Rev 1 | PONPDN | STEP | IET kasale pan Iesus Kristus, me Kot kotiki on i, en kasale on sapwilim a ladu kan meakai, me pan wiaui met koren. A kotin poronela sapwilim a tounlan, me a kotin kasaleki on sapwilim a ladu Ioanes.

Revelation of John 1

1 IET kasale pan Iesus Kristus, me Kot kotiki on i, en kasale on sapwilim a ladu kan meakai, me pan wiaui met koren. A kotin poronela sapwilim a tounlan, me a kotin kasaleki on sapwilim a ladu Ioanes. 2 Me kadedeki masan en Kot, o kadede pan Iesus Kristus karos, me a kilaner. 3 Meid pai, me wadokedi o ir, me ron masan en kokop akan, o nekinekid me intinidier lole, pwe ansau me koren. 4 let nai Ioanes, on momodisou isu nan Asien: Mak o popol on komail san ren i, me kotikot met, o me kotikot mas o, o me pan kotido, o san ren Nen isu, me kotikot mon mol a, 5 O san ren Iesus Kristus, me saunkadede melel, me meseni ren me iasadar san ren me melar akan, o Kaun en nanmarki en sappa kan, me kotin kupura kitail o widen san kitail dip atail ki nta, 6 O kotin wia kin kitail er samero on Kot o Sam a. Linan o manaman en mi re a kokolata! Amen. 7 Kilan, a kotido nan dapok kan, o mas karos pan kilan i, o irail me doke i, o kainok en sappa karos pan sanesanki i. Melel, Amen. 8 Nai Alpa o Omeka, me Kaun Kot kotin masani, me kotikot eta, o me kotikot mas o, o me pan kotido, iei Dinkel amen. 9 Nai Ioanes, ri omail, o omail warok ni kamekam, o ni wei, o ni atail auiaui Iesus, i lel don nin dake o, me ad a Patmos, ki masan en Kot o kadede pan Iesus. 10 Nen saraui kotikot po i ni ran en Kaun, i ap ronadar mur i nil laud eu, me rason nil en koronete masani: 11 Me koe kilan, intiniedi nan puk eu, ap kadar won momodisou isu en Episus, o Smirna, o Perkamus, o Tiatira, o Sardes, o Piladelpia, o Laodisea. 12 I ap soupei on, en kilan nil o, me kasoi on ia. A i lao soupeilar, i kilan lamp kold isu. 13 O nan pun en lamp akan amen mia, me rason Nain aramas, likauie kida likau eu, me leldi on aluwilu a, o lukom kida ni maramar waiwai kold eu. 14 A kadokenmai o pit en peipei puetepueteta wun en sip puetepuet, o rason sno, o silan i rason umpul en kisiniai, 15 O aluwilu a rason pras linan likamata a linalin nan kisiniai, o kapitie rason wirsok en pil toto. 16 O ni lim a pali maun usu isu mia, o san nan silan i kodlas kon o au a riau u wei san, o silan i rason katipin, siran kelailia. 17 A ni ai kilan i, i ap pupedi ni aluwilu a dueta mela amen. O a kotikidan po i lim a pali maun mamasani: Ender masak, nai men mas o men mur. 18 O me maur men, o ai melar amen, ari kilan, i memaureta kokolata, o men kapir en mela o wasan mela mi re i. 19 Koe ari intiniedi meakan, me koe kilaner, o me mier, o me pan wiaui mur. 20 Wewe en usu isu, me koe kilaner nan pa i pali maun, o lamp kold isu. Usu isu, iei tounlan en momodisou isu, o lamp isu, iei momodisou isu.